Dyra våre

Om me skal vera på Dyranut så er det klart at dyra våre også skal vera på Dyranut. Med ein hest, to hundar, ein hane og 14 høner så blir det god stemning i tunet.

Ynskjer du å vera med på foring av dyr, stell av hest og kos så er du hjarteleg velkomen til dette. Berre spør oss.

Eldfri

Emily sin andre store kjærleik.

Eldfri er ei skikkeleg merr. Med sine snart 18 år så har ho lært seg kva ho vil her i livet.

Med ein karriere som travar på cv-en så kan ho samanliknast med ein polfarar med høgt tempo.

Her skal me fram, samma kva slags vær og hindringar som måtte dukka opp.

Ho er kanskje litt sær av seg så her i gården er det ingen andre enn Emily som får nyta lange turar på hesteryggen til Eldfri. Om du likar hest og kos i stallen så kan du gjerne vera med å kosta, fora og stella. Her blir det sikkert nok å gjera fordi Eldri tar nok med seg til fjells ein ven eller to av same rase.

Me ser fram til å læra Eldfri å bæra kløv. Sjølv om ho rett og slett kan jobba som ein hest så er ho ein snill og kosete hest som likar å få oppmerksomhet og slår gjerne av eit knegg om sjansen byr seg.

Gutt

Med sin kjekke utsjånad er Gutt eit glansbilete å sjå på, ein damenes jens rett og slett.

Med sine 10 år har pensjonsalderen nådd han. Sjølv om han har blitt litt rundare i kantane med åra så er han ein spretten hund som elskar folk, pinnar og ballar.

Og spør du fint, seier han sjeldan nei til ein tur. Om du skulle vera i tvil, han er ein gutt.

Ninja

Blir du blir møtt av ein svart hund som brummar og pratar med ei mørk røst, men likavel lograr med halen, ja då har du møtt på Ninja.

Ninja er ei 8 år gamal dame som veit å uttrykka seg. Sjølv om alt snakket hennas kan virka skremmande om du ikke har opplevd det før, så er det kun gode ord som kjem ut.

Ninja elskar å leika med store og små, ho likar utfordringar.

Av rase er ho reine godteposen, Godt og blanda. Her har du trekkhund, vakthund, selskapshund og turveninne.
Ynskjer du eit turfylgje å lufta tankane med? Då er Ninja den beste til å halda på hemmelegheiter.

Sjovat og damene

Med 14 verpande høner i hønsehuset kan me by på ureiste egg på frukostbordet.

Her er det hanen Sjovat som passar på at alt går riktig for seg i flokken. Det er ikkje berre enkelt å halda styr på 14 kaklande damer. Hønseflokken er ein sosial gjeng som elskar å få besøk.

Dei hjelper oss dessutan med å eta opp matrester slik at me slepp å kasta mat.

Og kven veit, kanskje det dukkar opp kyllingar?